由取得地產牌照到正式返工，都差不多有半年時間了．

這半年來都有上過一些地產代理的課程，不過比起課程，還是正式返工比較實際．

本來學習就應該選一份有底薪的，可是朋友的媽媽推薦下，最後去了一間沒底薪的小型地產公司上班． 

今日係我做地產代理的第2天．

因為系統未安裝好的問題，所以仍然未能夠正式開始做地產的工作，有ｄ一舊雲．．．．

不過眼見同事都好忙咁，除了一邊上google記地圖外，為了睇起來唔會太過遊手好閒，決定寫個關於地產代理的blog．

第１天返工，坐了差不多成日，坐到pat pat都有d痛．不過並沒有遇上傳說中那些很難相處的同事，只是放工後竟然朋友同我講，佢媽咪見行過見到我返工著短褲，話我咁肥就唔好著短褲，好心減下肥．

哇，真係勁難受．．．．．

第２天返工，比起上一份做網頁的工作，做地產代理每天要見到的人，真係超級多．

小小的office裡，大家都忙著打電話，面對面客人談話，客人自己傾電話，當這些都同時間發生時，真的很有趣，因為每個人都為了對方聽清楚而越講越大聲．

好像每個人都有自己的一套工作方式，我想我也要開始尋找自己的一套工作方式了．

昨天才見過一位公司的老闆，今日又見了另一位老闆，究竟呢間公司有幾多個老闆呢？